'केजीएफ २' भन्दा शानदार बनाउने भन्दै 'पुष्पा २' को स्क्रिप्ट बदले निर्देशकले !

एजेन्सीः दक्षिण भारतीय फिल्म 'पुष्पा: द राइज' खुब चल्यो। कोभिडपछि दर्शक हलमा आउन नसकिरहेको बेला पुष्पाले दर्शक पनि बटुल्यो, पैसा पनि।

यतिबेला पुष्पाको दोस्रो भागको चर्चा छ। यता भारतीय सञ्चारमाध्यमहरूको भनाइलाई आधार मान्ने हो भने पुष्पाको दोस्रो भागको स्क्रिप्ट नै बदलिएको छ। कारण हो- केजीएफ २।

केजीएफ २ को अत्यधिक सफलताका कारण पुष्पाका निर्देशक सुकुमारले स्क्रिप्टमा बदलाव ल्याउनुपरेको हो। पुष्पालाई केजीएफ २ भन्दा शानदार र रोचक बनाउने योजनाअनुसार अब स्क्रिप्टमा सोहीअनुसार काम हुने भएको हो।

पुष्पाका निर्माता रवि शंकरले भने यो कुरालाई ठाडै अस्वीकार गरे। आफूहरूसँग पहिल्यैदेखि 'हाइ भोल्टेज स्क्रिप्ट' भएको भन्दै कुनै बदली नगरिएको बताए।

यस्तै केजीएफ २ बाट आफूहरू कुनै पनि हिसावले प्रभावित नभएको पनि उनले बताए।

यतिबेला पुष्पा २ को लागि लोकेशन हन्ट भइरहेको छ। पहिलो पार्टका लागि खिचिएको जङ्गल क्षेत्रमै दोस्रो पार्ट पनि खिच्ने फिल्म युनिटको योजना रहेको छ।

वैशाख २०, २०७९ मंगलबार ०९:०६:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।