हिरोपन्ती २ र 'रन-वे ३४' आजबाट रिलिज, अक्षय कुमारले गरे अजेय देवगनको कामको तारिफ
एजेन्सीः अजेय देवगन कुशल अभिनेता त हुन् नै सन् २००८ यता उनी निर्देशकको भूमिकामा पनि देखिएका छन्। 'यु मि और हम', 'शिवाय' हुँदै उनको तेस्रो फिल्म 'रन-वे ३४' आजबाट सिनेमा हलमा रिलिज भएको छ।
रन-वे ३४ मा अजेय देवगन, अमिताभ बच्चन र रकुल प्रित सिंहको मुख्य भूमिका छ। यस्तै युवापुस्तामाझ चर्चित युट्युबर क्यारिमिनाटीलाई पनि यस चलचित्रमा देख्न सकिन्छ।
चलचित्र सत्य घटनामा आधारित रहेको भनिएको छ। सन् २०१५ मा जेट एयरवेजको दोहा-कोची फ्लाइटले भिजिबिलिटी कम हुँदा व्यहोर्नुपरेको दुःखलाई चलचित्रको कथाको रूपमा लिइएको छ।
चलचित्र हेरेर अक्षय कुमारले तारिफ गरेका छन्। उनले मजा आएको प्रतिक्रिया दिएका छन्। चलचित्र थ्रिलर भएको, उत्कृष्ट भीएफएक्स प्रयोग भएको, उत्कृष्ट अभिनय र निर्देशन भएको भन्दै अक्षयले तारिफ गरेका छन्।
Just watched #Runway34. Bhai @ajaydevgn mazaa aa gaya kasam se. What a thriller, what superb vfx, brilliant acting and direction. @SrBachchan Sir effortless as always and @Rakulpreet 👏👏 I wish greatest luck to the team. May the film get its due. 👍🏻
— Akshay Kumar (@akshaykumar) April 28, 2022
यस्तै आजै टाइगर श्रोफ, नवाजुद्दिन सिद्दकी, कृति सेनन अभिनित हिरोपन्ती २ पनि रिलिज हुँदैछ। चलचित्रलाई अहमद खानले निर्देशन गरेका छन्।
वैशाख १६, २०७९ शुक्रबार १०:०४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
