'कलाकार हुनु त अल्लु अर्जुन जस्तो'
एजेन्सीः साउथका सुपरस्टार अल्लु अर्जुन उर्फ 'पुष्पा'ले आफ्नो अडानबाट अलिकति पनि हलचल गरेनन्। उनले स्वास्थ्यलाई प्रतिकूल असर पर्ने कुनै पनि पदार्थको विज्ञापनमा नखेल्ने आफ्नो निर्णयलाई पुनः कार्यान्वयन गरिछोडे।
कुरा हालसालैको हो। अल्लु अर्जुनलाई एक पान मसाला कम्पनीबाट प्रस्ताव आयो- विज्ञापन खेल्न। प्रस्ताव गरिएको रकम पनि मोटो थियो।
यता बलिउडमा अमिताभ बच्चन, अजेय देवगन, शाहरुख खान, अक्षय कुमार लगायत ठूला नाम भएका कलाकारले यस्ता विज्ञापन खेलिसकेका छन्। तर जब 'पुष्पा'कोमा यो प्रस्ताव पुग्यो उनले ठाडै अस्वीकार गरे। पैसाको लागि झुकेनन् अल्लु अर्जुन।
उनी प्रष्ट छन्- स्वास्थ्यमा असर पर्ने पदार्थको विज्ञापन खेल्दा उनको फ्यान पनि यही पछ्याउँछन्। र पान मसाला खाएर घर, पैसा, परिवार सबैको क्षति हुन्छ।
त्यसैले यतिबेला अल्लु अर्जुनको चौतर्फी तारिफ भइरहेको छ। फ्यानहरू 'कलाकार हुनु त अल्लु अर्जुन जस्तो, जो आफ्नो फ्यानको स्वास्थ्यको ख्याल राख्छन्' भनिरहेका छन्।
वैशाख ८, २०७९ बिहीबार १०:५५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
