राजकुमार हिरानीको 'डंकी'मा शाहरुखको जोडी तपसी पन्नु

एजेन्सीः दक्षिण भारतमा हिट फिल्म निर्देशक भन्नासाथ एस.एस. राजामौली भनिए जस्तै हो बलिउडमा राजकुमार हिरानी। मुन्ना भाइ सिरिज, थ्री इडियट्स हुँदै पीके र सञ्जुसम्म आइपुग्दा उनले आफ्नो पहिचान सधैँ उँचो राखे।

अब उनी शाहरुख खानलाई लिएर फिल्म बनाउने भएका छन्। शाहरुख खान पछिल्लो समयको 'फ्लप हिरो' हुन्। २०१८ मा जिरो फिल्ममा देखिएयता उनी गुमनाम थिए। तर क्रेज अझै थियो उनको।

अब राजकुमार हिरानीसँगको कोल्याबरेशनल भने उनलाई केही राहत देला कि भन्ने अनुमान गरिएको छ। अपकमिङ फिल्म हो- डंकी। र यसलाई हिरानीको ड्रिम प्रोजेक्ट मानिएको छ।

फिल्ममा शाहरुखको लिड अपोजिट रोलमा तपसी पन्नु हुनेछिन्। तपसी पनि निकै उत्साहित छिन् हिरानीसँग काम गर्न।

फिल्मको लेखन स्वयं हिरानी, अभिजात जोशी र कनिका ढिल्लोंको हो। फिल्मको रिलिज डेट सन् २०२३ को डिसेम्बर २३ तय गरिएको छ।

फिल्मको घोषणा गर्दै हिरानीले आफ्नो विसलिस्टमा शाहरुख सधैँ भएको र निकै काम गर्न चाहेको बताए। यता शाहरुखले पनि हिरानी यो पिढीकै उत्कृष्ट फिल्ममेकर रहेको बताए।

फिल्मको सुटिङ यही महिना सुरु हुनेछ।

वैशाख ७, २०७९ बुधबार १०:१०:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।