साउथकी चर्चित अभिनेत्री काजल अग्रवाल बनिन् आमा
एजेन्सीः साउथ फिल्मकी चर्चित अभिनेत्री हुन्- काजल अग्रवाल। उनले सिङ्घम चलचित्रमार्फत् बलिउडमा पनि डेब्यू गरेकी थिइन्।
सुन्दरता र अभिनयमा आफ्ना समकालीन सबैलाई मात दिने काजल अब आमा पनि बनेकी छिन्। हिजो मङ्गलबार १९ अप्रिलमा उनी आमा बनेकी हुन्।
काजलले छोरालाई जन्म दिएकी हुन्। काजल आफैँले यसबारे औपचारिक रूपमा केही बताएकी छैनन्। तर भारतीय सञ्चारमाध्यमहरूले भने प्राथमिकताका साथ यसबारे समाचार बनाइरहेका छन्।
गत पुस (अङ्ग्रेजी नयाँ वर्ष) मा काजलले आफू गर्भवती भएको बताएकी थिइन्। उनले बेबी बम्प देखिने गरी तस्बिर शेयर गरेकी थिइन्।
सन् २०२० को अक्टुबरमा काजलले गौतम किचलूसँग विवाह गरेकी थिइन्।
वैशाख ७, २०७९ बुधबार ०८:५८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
