कोरोनाले रोकिएका इन्डियन आइडल विजेता पवनदीप बैशाख ११ मा नेपाल आउँदै
काठमाडौँ : भारतीय चर्चित गायक इन्डियन आइडल २०२१ विजेता पवनदीप राजन काठमाण्डौं आउने भएका छन्। यस अगाडि नै उनको कार्यक्रम तय भए पनि कोरोनाको तेस्रो लहरका कारण कार्यक्रम रोकिएको थियो। उनी बैशाख ११ मा नेपाल आउने भएका हुन्।
३६५ इभेन्टस् एन्ड मिडियाले म्यानेज गर्ने साङ्गीतिक कार्यक्रममा पवनदीपले दुई स्थानमा प्रस्तुति दिनेछन्। आयोजकका अनुसार डिस्ट्रिक्ट अवार्ड एन्ड रिकग्निसन कमिटी २०–२१ रोटरी इन्टरनेशनल डिस्ट्रिक्ट ३२९२ नेपाल – भुटानले आयोजना गरेको अवार्ड सेरमोनी कार्यक्रममा पवनदीपले याक एन्ड यतिमा साङ्गीतिक प्रस्तुति दिनेछन् ।
वैशाख ११ गते रोटरी क्लब अफ पाटन वेस्टले आयोजना गरेको सांस्कृतिक कार्यक्रममा उनले ठमेलको लर्ड अफ ड्रिंक्स (एलओडी) मा गीत गाउनेछन्। आयोजकका अनुसार २५ सय र ३ हजार दरको टिकट राखिएको छ।
टिकटबाट उठेको रकम रोटरी क्लबले सामाजिक कार्यका लागि सहयोग गर्ने आयोजकले जनाएको छ। अनलाइन टिकटका लागि भुक्तानी प्रदायक आइ एमई पे वालेट मार्फत खरिद गर्न सकिने आयोजकले जनाएको छ।
वैशाख ४, २०७९ आइतबार २२:२८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
