'हिरोपंती २' मा टाइगरको कलात्मक एक्सन
काठमाडौं : बलिउड स्टार टाइगर श्राफ अभिनित फिल्म 'हिरोपंती २' प्रदर्शनको तयारीमा छ। फिल्मको ट्रेलर हेरेरै दर्शक निकै उत्साहित भएको समाचार एजेन्सीहरुले जनाएका छन्।
साजिद नाडियावालाको फिल्म 'हिरोपंती' ले टाइगरलाई बलिउडमा एउटा एक्सन हिरोको रुपमा स्थापित गराएको थियो।
टाइगर बलिउडका धेरैले रुचाएका एक्सन हिरोका रुपमा चिनिन्छन्। 'हिरोपंती २' बाट पनि दर्शकले ठूलो अपेक्षा गरेको भारतीय समाचार एजेन्सीहरुले जनाएका छन्।
जानकार सूत्रका अनुसार टाइगरले यो फिल्मका लागि स्टिक फाइटिङ कला सिकेका छन्, जुन उनले पहिलो पटक फिल्ममा प्रदर्शन गर्दैछन्।
रजत अरोडाद्वारा लिखित तथा एआर रहमानको संगीत, साजिद नाडियावालाकी 'हिरोपंती २' लाई अहमद खानले निर्देशन गरेका छन्। यो फिल्म २९ अप्रिल २०२२ मा रिलिज हुँदैछ।
वैशाख ४, २०७९ आइतबार १२:४९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
