आलिया र रणविरले गरे विवाह, सार्वजनिक गरे तस्बिर
एजेन्सी : बलिउड जोडी आलिया भट्ट र रणवीर कपुरले विवाह गरेका छन्। आलिया आफैँले सामाजिक सञ्जालमा विवाहको तस्बिर सार्वजनिक गरेर अब उनी रणविरको श्रीमती भएको पुष्टि गरिन्।
उनले सन्देश लेखिन्'आज हामीले आफ्नो परिवार र नातेदारहरूको बिचमा हाम्रो घर जुन हाम्रो सबैभन्दा मन पर्ने स्थान हो त्यही विवाह गर्यौँ। त्यही बालकोनीमा जहाँ हामीले हाम्रो पाँच वर्ष बितायौँ। पुरानो धेरै सम्झनाहरूका साथ हामी आफ्नो भविष्यमा कैयौँ सम्झना बनाउने छौँ।'
दुवै जना घ्यु कलरको ड्रेसमा देखिएका छन्। दुवैले हिन्दु परम्परा अनुसार विवाह गरेका थिए। विवाह स्थलमा उनीहरूले ऋषि कपुरको ठुलो तस्बिर लगाएर भौतिक रूपमा उनी उनीहरूको साथमा नभए पनि सधैँ साथ रहेको सन्देश दिएका थिए।
वैशाख १, २०७९ बिहीबार २०:४८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
