केजिएफ-२ हेर्न गएका दर्शकलाई ए मेरो हजुर-४ देखाउन खोजेपछि

काठमाडौँ : हलमा आजबाट ए मेरो हजुर-४ सँगै दक्षिण भारतीय फिल्म केजिएफ-२रिलिज भएको छ। प्रिबुकिङमै केजिएफ-२ को अधिकांश शोका टिकट प्याक छन्।

ए मेरो हजुर-४ ले आशा गरे अनुसार शो पाउन सकेको छैन। बिहीबार पहिलो दिनको दर्शकको प्रतिक्रिया सकारात्मक आए शो बढ्न सक्छ। तर केजिएफ हेर्न पुगेका दर्शकलाई जवर्जस्ती ए मेरो हजुर-४ देखाएर त फिल्म के चल्ला र!

शोको पहिलो दिन बिहीबार यस्तै भयो रञ्जना हलमा। केजिएफ-२ को टिकट काटेर दर्शकहरू हलमा पुगेका थिए। हलको ढोका बन्द भएपछि केजिएफ-२ को साटो ए मेरो हजुर-४ चल्न थाल्यो।

एउटा फिल्मको टिकट दिएर अर्कै फिल्म देखाएपछि दर्शकहरूले होहल्ला सुरु गरे। केजिएफ देखा भन्दै दर्शकले होहल्ला गरेको केही समयमा ए मेरो हजुर-४ को साटो केजिएफ-२ देखाएको थियो।

अनमोल केसी र सुहाना थापाको अभिनय गरेको ए मेरो हजुर-४ को बुधवारको प्रिमियरमा मिश्रित प्रतिक्रिया आएको थियो। केसीको अभिनयको भने तारिफ आएको छ।

वैशाख १, २०७९ बिहीबार ११:१६:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।