ट्राफिक नियम तोडेपछि अल्लु अर्जुनलाई तिराइयो जरिवाना
एजेन्सीः 'पुष्पा' फिल्मबाट अझै चर्चामै छन्- अभिनेता अल्लु अर्जुन। फिल्ममा प्रहरीसँग दुस्मनी, तस्करी, हत्या जस्ता आपराधिक गतिविधिमा संलग्न रहेका अल्लुले रियल लाइफमा समेत नियमको पालना गरेनन्।
रियल लाइफमा ट्राफिक नियम पालना नगर्दा ट्राफिक प्रहरीले उनलाई जरिवाना तिराएको छ। अल्लु अर्जुन अढाइ करोड भारुको लक्जरी कार रेञ्ज रोभर चढ्छन्।
उनको कारको सिसा कालो छ। भारतमा कालो सिसा भएको कार चढ्न पाइँदैन। त्यसैले हैदरावादको बिजी सेन्टरमा ट्राफिक प्रहरीले उनलाई रोके र सात सय भारु जरिवाना तिराए।
नेपालमा पनि कालो सिसा भएको निजी सवारी चढ्नु नियमविपरीत मानिन्छ।
चैत २४, २०७८ बिहीबार ०९:४३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
