अभिनेता अनुपविक्रम र दियाको दुस्मनी रोडिजको फाइनलसम्म पुग्यो

काठमाडौँ : अभिनेता अनुपविक्रम शाही अनि अभिनेत्री दिया मास्केको दुस्मनी अजिबको छ। हिमालयन रोडिजको हरेक सिजनमा यी दुवैको दुस्मनी बढेको बढ्यै हुन्छ। सिजन ४ मा उस्तै देखियो दुवैको कटुपना। अनि त्यो दुस्मनी कतै टुटेन। फाइनलसम्मै पुग्यो।

झुर भयो लाउरेलाई। सेमिफाइनलसम्म लाउरेको टिमबाट २ जना सहभागी थिए। तर दुवै एकै पटक सेमिफाइनलबाटै आउट भए। टाक्स सबैभन्दा छिटो सकाएर फाइनलमा पुगे दियाको टिमबाट रोशन अनि अनुपको टिमबाट नसिब।

टाक्सहरु हेर्दा रोशन केही कमजोर देखिए पनि लक्की देखिन्छन् उनी। लकले पटक-पटक साथ दिएर प्रतियोगितामा टिकेका उनी सेमिफाइनलमा पनि लककै साथ पाए ताल्चा खोल्दा।

नसिबलाई नसिबले त्यति साथ नदिए पनि भिड्दै आइरहेका छन् उनी। प्रतियोगिताबाट आउट भएका उनी वाइल्ड कार्डबाट भित्रिएपछि दरिलो देखिएका छन्।

यी दुवै फाइनलिस्टमा विजेता छान्न फाइनलको टाक्स कस्तो हुन्छ त्यसमा भर पर्नेछ। बल बढी चाहिने टाक्स भए नसिब हाबी हुनेछन्। बुद्धि बढी लाग्ने टाक्स भए रोशन। 

चैत २३, २०७८ बुधबार २३:५५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।