एमाले रुपन्देहीले चैत २६ गते सबै पालिकाका वडाध्यक्ष उम्मेदवारको छनौट गर्ने
बुटवल : एमाले रुपन्देहीले चैत्र २६ गते जिल्लाको १६ वटै पालिका अन्तर्गतका वडाहरूमा वडा अध्यक्ष तथा सदस्य पदका उम्मेदवारको छनौट गर्ने भएको छ। पार्टी जिल्ला कमिटीको तेस्रो पूर्ण बैठकले २८ गते सम्ममा प्रस्तावित उम्मेदवारको नाम जिल्लामा पठाउने गरी निर्णय गरेको जिल्ला कमिटी सचिव यज्ञ गैरेले जानकारी दिए।
बैठकले वैशाख ९ गते प्रत्येक पालिका कमिटीले घोषणा पत्र तथा प्रतिबद्धता सार्वजनिक गर्ने, पार्टीका तर्फबाट जनप्रतिनिधि जितेका पालिकामा पचा वर्ष भित्र गरिएका कामहरू तथा संघ र प्रदेशका तर्फबाट भएका कामहरू जनताको बिचमा लैजाने बैठकले निर्णय गरेको छ।
त्यसै गरी स्थानीय तहको निर्वाचन सम्पन्न गर्न ११ हजार १ सय ११ सदस्यीय निर्वाचन परिचालन कमिटी गठन गरेको बैठकले निर्वाचन अभियान संगै पार्टी सदस्यता नवीकरण तथा नयाँ सदस्यता विस्तार अभियानलाई तीव्र पार्ने निर्णय गरेको छ।
चैत २३, २०७८ बुधबार २०:४८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
