मलाइका चढेको रेञ्ज रोभर दुर्घटना, अभिनेत्री अस्पतालमा
एजेन्सीः बलिउड अभिनेत्री मलाइका अरोडा सवार कार दुर्घटनामा परेको छ। उनी सवार रेञ्ज रोभर कार मुम्बई-पुणे एक्सप्रेस वे नजिकै दुर्घटनामा परेको हो।
हाल मलाइका मुम्बईको अपोलो अस्पतालमा भर्ती छिन्। चिकित्सकहरूका अनुसार उनको अवस्था अहिले स्थिर छ।
घटनाबारे प्रहरीले अनुसन्धान सुरु गरिसकेको छ।
भारतीय सञ्चारमाध्यमहरूका अनुसार दुर्घटनाको प्रारम्भिक कारण अत्याधिक ट्राफिक हुनु हो। महाराष्ट्र नवनिर्माण सेनाको कार्यकर्ताको सम्मेलनका कारण सडकमा अत्याधिक मात्रामा सवारी जाम भएको र अचानक तीन गाडी एकापसमा ठोकिएका थिए।
यसैबीच एउटा स्विफ्ट कार मलाइकाको गाडीसँग ठोकिन पुगेको हो। मलाइकालाई हाल चोटका कारण केही टाँका लगाइएको छ।
चैत २०, २०७८ आइतबार ०९:५०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
