आरआरआरको चपेटामा हेल्लो जिन्दगी
काठमाडौँ : गत साता दक्षिण भारतीय फिल्म आरआरआरको डरले कुनै नेपाली फिल्म रिलिज भएन। एक सातापछि आजबाट हलहरूमा नेपाली फिल्म हेल्लो जिन्दगी रिलिज भएको छ। तर दोस्रो साता पनि नेपाली फिल्म आरआरआरको चपेटामा पर्ने निश्चित छ।
प्राय हलहरूमा आजै रिलिज भएको नेपाली फिल्मले मुस्किलले १ शो पाइरहेको छ। एभरेस्ट सूर्य बोहराको निर्देशनमा बनेको फिल्म त्रिकोणात्मक प्रेमकथामा बनेको छ। फिल्ममा विक्रम डिसी, दीपिका प्रसाईँ र प्रियङ्का कार्कीको भूमिका रहेको छ।
प्रसाईँ अहिले छायामा पारिसकिन्। प्रियङ्का छोरी हुर्काउन व्यस्त छिन्। यस्तो बेलामा विक्रमले मात्र दर्शकलाई हलसम्म तान्न मुस्किलै देखिन्छ। त्यसमा पनि चलचित्रको प्रमोसनमै कलाकारको साथ नपाएको यो फिल्मको पहिलो दिनको व्यापार सुस्त छ।
चैत १८, २०७८ शुक्रबार १३:४४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
