'आरआरआर' मा यति महत्वहीन भूमिका गर्न किन तयार भइन् आलिया ?

काठमाडौं : भनिन्छ, बलिउड अभिनेत्री आलिया भट्ट फिल्ममा अनुबन्ध हुनुअघि निकै विचार-विमर्श गर्छिन्। दमदार भूमिका नभई फिल्ममा साइन नै गर्दिनन्।

तर, हालै प्रदर्शनमा आएको फिल्म 'आरआरआर' मा उनको भूमिका देखेर भनेर दर्शक समेत निराश भएका छन्। यो फिल्ममा उनको भूमिका एकदम छोटो र महत्वहीन देखिन्छ।

बलिउडका फिल्म पण्डित तथा दर्शकहरुले प्रश्न गरेका छन्- आलिया यति महत्वहीन, सस्तो र छोटो भूमिका गर्न किन तयार भइन्? कतिपयले त निर्देशक राजामौलीको फिल्मको हिस्सा बन्न मात्र आलियाले यो रोल गर्न तयार भएको प्रतिक्रिया समेत दिएका छन्।

समाचार एजेन्सीहरुका अनुसार अभिनेत्री आलिया स्वयं पनि स्क्रिन टाइम कम दिएको भन्दै राजामौलीसँग रिसाएकी छिन्। उनले फिल्म आरआरआरको विषयमा सोसल मिडियामा गरेको पोस्ट समेत हटाएकी छिन्।

यस विषयमा आलियाले कुनै प्रतिक्रिया त दिएकी छैनन्। तर के कुरा चाहिँ सतप्रतिशत साँचो हो भने, आलियाको भूमिकामा दर्शकलाई खास मजा भने आएन।

चैत १६, २०७८ बुधबार ०९:०६:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।