'एनिमल' मा रणवीरको जोडी बन्दै 'पुष्पा' की रश्मिका
काठमाडौं : 'कबिर सिंह' जस्तो सुपरहिट फिल्म दिएका बलिउड निर्देशक सन्दीप रेड्डी यतिबेला 'एनिमल' नामक फिल्म बनाउने तयारीमा छन्।
अनिल कपुर र बबी देवलको मुख्य भूमिका रहने फिल्म एनिमलमा नायकका रुपमा भने रणवीर कपुर प्रस्तुत हुनेछन्।
अन्य मुख्य कलाकार तय भइसकेको यो फिल्ममा नायिकाको खोजी भइरहेको थियो। तर सुपरहिट फिल्म 'पुष्पा' की रश्मिका मन्दानालाई नायिका छनोट गरिएको निर्माण पक्षले जनाएको छ।
रश्मिका दक्षिण भारतमा निकै लोकप्रिय अभिनेत्री हुन्। तर पुष्पा सुपरहिट भएपछि उनको लोकप्रियता बलिउडमा पनि निकै बढेको छ।
पुष्पामा अल्लु अर्जुनसँग निकै जमेकी रश्मिकाको जोडी रणवीरसँग रहन्छ त्यो भने एनिमल फिल्म हेरेपछि मात्र थाहा हुनेछ।
चैत १६, २०७८ बुधबार ०८:४३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
