रोडिज्मा समन भए एक्लो, टिमका सबै बाहिरिए

काठमाडौँ : अन्तिम खेलाडी विवेश बाहिरिएसँगै समन श्रेष्ठको टिम रोडिजको टाइटलबाट आउट भएको छ। सोमवारको प्रतियोगितामा टाक्स पूरा गर्न सबैभन्दा धेरै समय लगाउँदा विवेश आउट भए। उनी आउट भएसँगै ब्लु टिम रित्तो भयो।

अनुपविक्रम शाहीको रेड टिमको नसिबले पनि राम्रो गर्न सकेनन्। तर लकले उनलाई साथदिँदा टप फोरमा पुगे। दियाको एल्लो टिमबाट दिलीपले सबैभन्दा कम समयमा टाक्स सक्काएका थिए।

ग्रिन टिम लिड गरिरहेका लाउरेको टिमबाट २ जना टप फोरमा पुगेका छन्। दुवै बलिया दाबेदार हुन् रोडिज सिजन ४ को।

झरनाको तल डुबेर ढाल खोज्ने अनि बोकेर अवरोधक नाघ्दै एरिनामा आउने, पानीमा फर्किएर ह्यामर ल्याउने र सिमेन्ट जाम भएर बसेको ब्ल्क फुटाएर खुकुरी निकालेर परालको मान्छेको माथि रहेको माटोको भाँडो फुटाल्ने। यही थियो टाक्स।

टप फोर सहभागी हेर्दा कसले टाइटल लैजाला सहजै भन्न सकिन्न। कसैको मसल पावर छ त कसैको माइन्ड गेम बलियो छ।

दिलीपले माइन्ड गेम खेल्दा चाँडै टाक्स सके। नसिब र विवेशको मसल पावर राम्रो थियो। तर सकेनन्। विजेताले १० लाख र यामाहा बाइक उपहार पाउँछन्। 

चैत १५, २०७८ मंगलबार ०२:१८:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।