आरआरआरसँग भिड्ने हिम्मत गरेनन् नेपाली फिल्मकर्मीले, शुक्रवार एकल रिलिज

काठमाडौँ :  बहुप्रतिक्षित दक्षिण भारतीय फिल्म आरआरआर रिलिज हुने भएपछि शुक्रवार कुनै पनि नेपाली फिल्म रिलिज नहुने भएको छ। अहिले हलमा नेपाली फिल्म 'चिसो एष्ट्रे' लागिरहेको छ। फिल्मले राम्रो प्रतिक्रिया पाइरहेको छ। शुक्रवार नयाँ नेपाली फिल्म रिलिज नहुँदा यसलाई फाइदा हुन सक्थ्यो। तर प्रारम्भमै कम शो पाएको यो फिल्म शुक्रवारबाट बहुप्रतिक्षित फिल्म आरआरआरसँग जुध्नुपर्ने छ।

नेपालमा समेत यो फिल्म रिलिज हुँदै छ। गोपीकृष्ण समूहले आरआरआर नेपालमा ल्याउन लागेको हो। रिलिज अगाडि नै फिल्मको बुकिङ खुल्ला गरिएको थियो। अधिकांश बुकिङ फुल भइसकेको कम्पनीको दाबी छ। नेपाली दर्शकलाई सम्बोधन गर्दै फिल्म निर्देशन एसएस राजमौलीले सामाजिक सञ्जालमा सन्देश समेत राखिसकेका छन्।

चार सय करोड भारतीय रुपैंयामा बनेको फिल्मको प्रमोसनमा आलिया भट्टदेखि आमिर खानले समेत साथ दिइरहेका छन्। राम चरण मुख्य भूमिकामा रहेको फिल्मको निर्देशन राजमौलीले गरेका हुन्। यसको गीत नाटोनाटो रिलिज भएदेखि नै गैर भाषीहरूमाझ समेत चर्चित भइसकेको छ।

चैत ९, २०७८ बुधबार १९:५९:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।