'आरआरआर' का कलाकारको कति हो पारिश्रमिक ?

एजेन्सीः बहुप्रतीक्षित चलचित्र 'आरआरआर' यही शुक्रबार मार्च २५ मा प्रदर्शन हुँदैछ। बाहुबलीका निर्देशन एसएस राजामौलीसहित स्टार नै स्टारले भरिएको चलचित्र महँगो बजेटमा निर्माण भएको हो।

चलचित्रको बजेटको अधिकांश हिस्सा त पारिश्रमिकमै खर्च भएको छ। निर्देशक राजामौलीले यति नै भनेर पारिश्रमिक लिएका छैनन्। उनले सिधै प्रोफिटमा आँखा लगाएका छन्। भारतीय सञ्चारमाध्यमहरूका अनुसार राजामौलीले कुल नाफाको ३० प्रतिशत पैसा पाउनेछन्। 

यस्तै मुख्य भूमिकामा रहेका राम चरणले ४५ करोड भारु लिएका छन्। अर्का अभिनेता एनटीआरले पनि ४५ करोड भारु नै पारिश्रमिकबापत लिएका छन्।

चलचित्रकी नायिका हुन्- आलिया भट्ट। सीताको भूमिकामा रहेकी आलियाले यस चलचित्रका लागि ९ करोड भारु पारिश्रमिक लिएकी छिन्।

यस्तै पर्दामा स्पेशल भूमिकामा देखापर्ने अजेय देवगनले २५ करोड भारु पारिश्रमिकबापत लिएका छन्।

चैत ७, २०७८ सोमबार १०:०५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।