भूपेन्द्र भए नेपाल आइडल चोथौँ सिजनका विजेता
काठमाडौँ : भूपेन्द्र थापा मगर नेपाल आइडल चौथौँ सिजनको विजेता बनेका छन्। शनिवार भएको फाइनलमा उनी पाँच प्रतिस्पर्धीलाई भोटमा पाछिपार्दै चोथौँ सिजनको विजेता बनेका हुन्।
उनी आइडलको पहिलो सिजनबाटै अडिसन दिँदै आएका थिए। तर विजेताका लागि चौथौँ सिजनसम्म कुर्नुपर्यो। उनले उपाधीसँगै तीस लाख रुपैँया पाएका छन्।
प्रतियोगिताको फस्ट रनर अप भए नाम्ग्याल तामाङ। उनले ट्रफीसँगै पाँच लाख पुरस्कार पाएका छन्। सेकेन्ड रनर अप रञ्जित नेपाली भएका छन्। उनले तीन लाख पुरस्कार पाए।
३२ जना प्रतिष्पर्धीविचको प्रतिस्पर्धामा भूपेन्द्र, नाम्ग्याल, रञ्जितसँगै विश्व उप्रेती र लक्ष्मी पौडेल फाइनलमा पुगेका थिए। टप थ्रीमा रञ्जित, भूपेन्द्र र नाम्ग्याल पुगेका थिए।
चैत ५, २०७८ शनिबार २१:२०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
