टिप्परले मोटरसाइकललाई ठक्कर दिँदा एक जनाको मृत्यु, दुई घाइते
बुटवल : रुपन्देहीको देवदहमा मोटरसाइकललाई टिप्परले ठक्कर दिँदा एक जनाको मृत्यु भएको छ। पुर्वबाट पश्चिमतर्फ आइरहेको लु.५८प. ३९६५नम्बरको मोटरसाईकललाई पश्चिमबाट पुर्वतर्फ गइरहेको लु२ख ३५७३ नम्बरको टिप्परले देवदह नगरपालिका-९ भलुहीमा ठक्कर दिँदा पश्चिम नवलपरासीकी २४ वर्षिय शान्ति भण्डारीको मृत्यु भएको हो।
उक्त दुर्घटनामा गम्भीर घाइते भएकी भण्डारीको उपचारको क्रममा विहिबार राती देवदह मेडिकल कलेजमा मृत्यु भएको हो। भण्डारीका श्रीमान २६ वर्षिय हरी प्रसाद पौडेलले चलाएको मोटरसाइकल दुर्घटनामा परी पौडेलसंगै ३ वर्षीय छोरा अर्जुन पौडेल पनि घाइते भएका छन्। उनीहरुकाे अस्पतालमा उपचार भइरहेको छ भने टिप्पर र चालकलाई नियन्त्रणमा लिएको प्रहरीले जनाएको छ।
चैत ४, २०७८ शुक्रबार १७:१८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
