बलिउडबाट आजै रिलिज भए ठूला ब्यानरका यी ६ फिल्म
काठमाडौं : होलीको अवसर पारेर आजदेखि ठूला व्यानरका फ्लिम बलिउडबाट रिलिज भएका छन्।
विद्या बालनको क्राइम थ्रिलर फिल्म 'जलसा' आज रिलिज भएको छ। यो फिल्म सिधै प्राइम भिडियोमा प्रिमियर भएको छ।
फिल्ममा विद्याका अलावा सेफाली शाह, मानव कौल, रोहिणी हट्टंगडी जस्ता कलाकारको अभिनय रहेको छ।
यस्तै जयदीप अहलावत, मोहम्मद जिशान, टीना देसाई, मुग्धा गोडसे, सतीश कौशिक अभिनित फिल्म 'ब्लडी ब्रदर्स' पनि आज नै रिलिज भएको छ।
यो पनि क्रामइम थ्रिलर फिल्म भएको भारतीय समाचार एजेन्सीहरुले जनाएका छन्।
फिल्म 'अपहरण' को सिजन २ अर्थात् 'अपहरण २' पनि १८ मार्च अर्थात् आजैबाट सिनेमा घरहरुमा रिलिज भएको छ।
भारत, उत्तराखण्डका सिनियर इन्स्पेक्टर रुद्र श्रीवास्तवको कहानी रहेको यो फिल्ममा अरुणोदय सिंह, जितेन्द्र कपुर, निधि सिंहको मुख्य भूमिका रहेको छ।
स्विडिस एक्सन थ्रिलर फिल्म 'ब्ल्याक क्र्याब' आजदेखि नेटफ्लिक्समा रिलिज भएको छ। यो फिल्ममा ६ जना सैनिकको कथा रहेको एजेन्सीले जनाएको छ।
अमेजन प्राइम भिडियोमा आजदेखि प्रिमियर भएको फिल्म 'डिप वाटर' मा एफ्लेक जस्ता अभिनेताको अभिनय रहेको छ। यो फिल्म १९७५ मा लेखिएको उपन्यासमा आधारित छ।
बहुप्रतिक्षित हिन्दी फिल्म 'बच्चन पाण्डे' आजदेखि सिनेमा घरमा प्रदर्शन भएको छ। फिल्ममा अक्षय कुमार, कृति सेनन, ज्याकलिन फर्नान्डिस, पंकज त्रिपाठी, अरशद वारसी जस्ता कलाकारको अभिनय रहेको छ।
फिल्मका सोखिन एक खतरनाक ग्याङस्टरको कथा यो फिल्ममा देख्न सकिने समाचार एजेन्सीले जनाएका छन्।
चैत ४, २०७८ शुक्रबार १५:००:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
