भेरीमा बेपत्ता अन्य दुई बालबालिकाको शव पनि भेटियो
सुर्खेत : भेरी नदीमा बेपत्ता भएका अन्य दुई जना बालबालिकाको शव पनि भेटिएको छ। बेपत्ता लेकवेशी नगरपालिका–२, का ८ वर्षीय दिनेश बुढा मगरको शव बुधबार नै भेटिएको थियो।
फागुन २८ गते सुर्खेतको भेरीगंगा नगरपालिका–११ रामघाटस्थित भेरी नदीमा नुहाउने क्रममा तीन जना बालबालिका नदीमा बेपत्ता भएका थिए। उक्त तीनै जनाको शव भेरी नदीको विभिन्न स्थानमा फेला पारेको जिल्ला प्रहरी कार्यालय सुर्खेतले जनाएको छ।
जिल्ला प्रहरी कार्यालय सुर्खेतका अनुसार बिहीबार भेरीगंगा नगरपालिका–११, का १० वर्षीया गंगा खड्का र ८ वर्षीय कृष्णा सिंजालीको शव भेटिएको हो। दुवैको शवलाई मेहेलकुना अस्पतालमा पोष्टमार्टम गरी आफन्तहरुले बुझेका छन्।
चैत ४, २०७८ शुक्रबार १३:१४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
