नेपाली दर्शकलाई अक्षय कुमारको अनुरोध: 'फिल्म हेर्नुस्, निराश बनाउँदैन'
नयाँ दिल्ली : बलिउड अभिनेता अक्षय कुमारले नेपाली दर्शकलाई आफ्नो आउन लागेको फिल्म ’बच्चन पाण्डे’ हेर्न आग्रह गरेका छन्। उनले भिडियो सन्देश मार्फत आउँदो शुक्रबारबाट प्रदर्शनमा आउने फिल्म ’बच्चन पाण्डे’ ले भरपुर मनोरञ्जन प्रदान गर्ने भन्दै एक पटक हलमा गएर हेर्न आग्रह गरेका हुन्।
सन्देशमा उनले भनेका छन्, ’नमस्ते नेपाल, मेरो फिल्म बच्चन पाण्डे यहिँ १८ मार्चमा नेपालका हलहरूमा लाग्दैछ। म यो फिल्मलाई तपाइँ आफू आफ्ना साथी तथा परिवारहरूसँग हेर्न आग्रह गर्दछु। यो फिल्म राम्रो बनेको छ भने पूर्णरुपमा कमर्सियल छ । मलाई विश्वास छ। यसले तपालाई भरपुर मनोरञ्जन दिनेछ’।
अभिनेता अक्षय टाइटल रोलमा रहेको फिल्म ‘बच्चन पाण्डे’ मा देखिएको उनको लुक्सलाई फिल्मप्रेमीले तारिफ गरेका छन्। एक्सन र कमेडी मिक्स फिल्ममा अक्षयसँगै अरशद वारसी, कृति सेनन, ज्याक्लिन फर्नान्डिज , पंकज त्रिपाठी लगाएतकोअभिनय रहेको छ। फरहाद साम्जीको निर्देशनमा बनेको यस फिल्मलाई नाडियाडवाला ग्रान्डसन इन्टरटेन्मेन्ट प्रोडक्सनको ब्यानरमा निर्माण गरिएको हो।
केही समय अगाडि हिन्दी फिल्म ’मरजावा’ वितरण गर्दै हिन्दी फिल्म वितरणमा पाइला टेकेको ए.वी इन्टरनेशनल आउँदो शुक्रबारबाट प्रदर्शनमा आउने फिल्म ’बच्चन पाण्डे’ नेपाल रिलिज गर्दैछ।
चैत ३, २०७८ बिहीबार १४:५८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
