एमाले दैलेखको अध्यक्षमा शर्मा विजयी
सुर्खेतः नेकपा एमाले दैलेखको अध्यक्षमा रवीन्द्रराज शर्मा विजयी भएका छन्। निकटतम प्रतिद्वन्द्वी सूर्यबहादुर शाहीलाई एक सय ५१ मतान्तरले पछाडि पार्दै शर्मा विजयी भएका हुन्।
गत पुस २३ गते भएको एमाले अधिवेशनमा फर्जी मत खसालिएको भन्दै विवाद भएपछि एमालेको केन्द्रीय निर्वाचन आयोगको प्रत्यक्ष निगरानीमा बुधबार मतदान भएको थियो। मतदानमा ६ सय ८४ मत खसेको थियो।
यस्तै दैलेखको जिल्ला कमिटी उपाध्यक्षमा भैरवी गाउँपालिकाका अध्यक्ष प्रेमबहादुर बुढा निर्वाचित भएका छन्। सचिवमा दुल्लुका तिलकप्रसाद रिजाल निर्वाचित हुँदा उपसचिवमा गंगाराम दाहाल, कलावती न्यौपाने विजयी भएका छन्।
चैत ३, २०७८ बिहीबार ११:३५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
