नेपालकी नम्रता मिस वर्ल्डमा टप ३०, पोल्याण्डकी क्यारोलिनाले जितिन् उपाधि
काठमाडौंः मिस वर्ल्ड २०२१ को उपाधि पोल्यण्डकी क्यारोलिना बाइल्वस्काले जितेकी छिन्। पुएर्टो रिकोमा सम्पन्न ७०औं मिस वर्ल्ड प्रतियोगितामा साविक विजेता टोनी एनले क्यारोलिनालाई मिस वर्ल्डको ताज लगाइदिएकी थिइन्।
मिस वर्ल्ड क्यारोलिना हाल व्यवस्थापनमा स्नातकोत्तर गर्दैछिन्। उनको इच्छा मोटिभेसनल स्पिकर बन्ने रहेको छ।
यस्तै मिस वर्ल्ड २०२१ को फर्स्ट रनर अप अमेरिकाकी श्री सैनी भइन्। सेकेण्ड रनर अप क्वट डह्ववाकी ओलिभिया येस भइन्।
यसअघि गत डिसेम्बरमै हुने भनिएको फाइनल कोरोना सङ्क्रमणका कारण स्थगित गरिएको थियो। यता नेपालको तर्फबाट सहभागी मिस नेपाल नम्रता श्रेष्ठ टप ३० मा मात्र सीमित भइन्।
चैत ३, २०७८ बिहीबार १०:११:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
