सर्जकहरूको अभिव्यक्ति स्वतन्त्रताको सम्मान गर्न आह्वान
२ वर्ष अघि
काठमाडौं : गीत सिर्जना तथा गीतभित्र भएका कथालाई आधार मानेर गायक तथा कलाकार प्रकाश सपुतमाथि गर्न खोजिएको निषेध प्रयासप्रति नेपाली लेखक संघले भर्त्सना गरेको छ।
संघले सोमबार एक विज्ञप्ति जारी गर्दै सर्जक, कलाकार तथा आमनागरिकको स्वतन्त्रताको प्रतिकुल हुनेगरी गरिएका कुनै पनि क्रियाकलाप मान्ने नहुने जनाएको छ।
गायक सपुतको नयाँ गीत 'पिर' सार्वजनिक भएपछि केही समूहबाट विभिन्न टीकाटिप्पणी र निषेध प्रयास भइरहेको भन्दै संघले यस्ता गतिविधप्रति आफ्नो ध्यानाकर्षण भएको जनाएको छ।
संघद्वारा जारी विज्ञप्तिमा भनिएको छ, 'सर्जकमाथि गरिएका यस्ता क्रियाकलाप हाम्रा लागि मान्य छैनन्। हामी हरेक नागरिकको स्वतन्त्रताका लागि निरन्तर खबरदारी र पहरेदारी गरिरहने छौं।
फागुन ३०, २०७८ सोमबार १५:५२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
