सय दिनभन्दा बढी कुनै फिल्ममा काम गर्दैनन् अक्षय
२ वर्ष अघि
काठमाडौं : अक्षय कुमार बलिउडका सर्वाधिक व्यस्त अभिनेतामध्ये एक हुन्। उनी वर्षमा ४/५ वटा फिल्ममा काम गर्छन्।
अक्षयसँग जहिलेसुकै ठूला प्रोजेक्टको लाइन लाग्ने गर्छ। उनी यतिबेला प्रदर्शनको तयारीमा रहेको फिल्म 'बच्चन पाण्डे' का कारण चर्चामा छन्।
अक्षय कुमारले हालै एक अन्तर्वार्तामा आफू एउटा फिल्मका लागि सय दिनभन्दा बढी समय दिन नसक्ने बताएका छन्। उनले भनेका छन्, 'जुन फिल्मको सुटिङ सय दिनभन्दा बढी हुन्छ म त्यो फिल्ममा काम नै गर्दिनँ।'
आफूले काम गर्ने फिल्मको सुटिङ ४५/५० दिनमै सक्नुपर्ने मान्यता रहेको पनि उनले बताएका छन्।
अक्षय कुमार पछिल्लो पटक फिल्म 'अन्तरंगी' मा देखिएका थिए। उनको नयाँ फिल्म बच्चन पाण्डे यही मार्च १८ मा रिलिज हुँदैछ।
एजेन्सीका अनुसार अक्षय 'ओ माई गड २', 'राम सेतु', 'रक्षाबन्धन' र 'पृथ्वीराज' जस्ता फिल्ममा काम गरिरहेका छन्।
फागुन २९, २०७८ आइतबार १०:३४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
