नेपाली दर्शकलाई साउथ सुपरस्टार प्रभासको शन्देस

काठमाडौँ : दक्षिण भारतीय सुपरस्टार प्रभासले फेसबुकमा नेपालका दर्शका लागि सन्देश राख्दै आफ्नो फिल्म ‘राधे श्याम’ हेर्न आग्रह गरेका छन्। उनको फिल्म शुक्रवारबाट विश्वभर रिलिज हुँदैछ। नेपालमा पनि उनको फिल्म रिलिज हुँदैछ।

नेपालमा ‘अ ऐट फिल्म्स’ प्रालीले प्रभासको फिल्म ल्याउँदैछ। उनले शन्देसमा मार्च ११ मा आफ्नो फिल्म 'राधे श्याम' नेपालमा पनि रिलिज हुँदै गरेको र सो फिल्म दर्शकलाई मन पर्ने विश्वास ब्यक्त गरेका छन्।

पछिल्लो समय नेपाली दर्शकमाझ दक्षिण भारतीय फिल्मको समेत क्रेज बढेपछि नेपालमा समेत प्रभास लगायतकाको फिल्म रिलिज हुन थालेको हो। नेपालमा हिन्दी भर्सनमा फिल्म रिलिज हुने गरेका छन्।

उनले शन्देसमा भनेका छन् ‘नमस्ते नेपाल, मेरो फिल्म राधे श्याम मार्च ११ बाट प्रदर्शनमा आउँदै छ।फिल्मलाई सिनेमा घरमा हेर्नुहोला। आशा छ, तपाईंहरुलाई मन पर्नेछ।’

यसअघि प्रदर्शनमा आएका उनका फिल्म ‘बाहुबली’ भाग एक र दुई, ‘साहो’जस्ता फिल्मलाई नेपाली दर्शकले मन पराएका थिए। फिल्ममा प्रभाससँगै प्रभाससँगै पूजा हेग्डेको मुख्य भूमिकामा छिन्।

प्रेम कथामा आधारित फिल्म सन् १९७० को दशकमा युरोपमा भएको प्रेम सम्बन्ध र त्यसमा आएको उतार चढावमा केन्द्रित छ। फिल्ममा प्रभास विक्रमादित्यको भूमिकामा देखिएका छन्।

फिल्मलाई युभि क्रिएसन र टी सिरिजले संयुक्त रूपमा निर्माण गरेका हुन्। फिल्मको लेखन तथा निर्देशन राधाकृष्ण कुमारले गरेका छन्।

फागुन २६, २०७८ बिहीबार १७:४७:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।