रेड ड्रेसले ट्रोलमा परिन् अभिनेत्री दीपिका
एजेन्सी : अजीवका डिजाइनका कपडाका कारण भारतीय अभिनेता रणवीर सिंह पटक-पटक ट्रोलको सिकार बनिरहन्छन्। तर उनले आफ्नो शौख छाडेका छैनन्। अब भारतीय अभिनेत्री दीपिका पादुकोण पनि ड्रेसका कारण ट्रोलको सिकार बनेकी छिन्।
उनले हालै लगाएको रेड ड्रेसका कारण ट्रोलरहरुले सामाजिक सञ्जालमा बल्ल रणवीर सिंहको श्रीमती भन्न सुहाउने भन्दै मजाक उठाइरहेका छन्।
शाहरुख खानले हालै 'पठान' फिल्मको रिलिज डेट घोषणा गरे। उनीसहित दीपिका अनि जाँन इब्राहिम स्पेन जान विमानस्थल गएका थिए। स्पेन जानेक्रममा शाहरुखले आफ्नो ड्राइभरसँग अँगालो मारेको तस्बिर भाइरल भयो। त्यही अभिनेत्री दीपिका भने रेड ड्रेसका कारण ट्रोलमा परिरहेकी छिन्।
उनले हालसालै बजारमा आएको रातो पाइन्ट अनि रातै हाइनेकसँग रातै क्याप लगाएकी थिइन्। उनको तस्बिर इन्टाग्राममा सार्वजनिक भएसँगै रणविरसँग उनको कपडाको तुलना गर्दै ट्रोलरहरु सक्रिय भए।
कसैले उनलाई आइसक्रिमजस्तै देखिएको भनेर मजाक उडाएका छन् त कतिले उनलाई अब चैँ रणवीर सिंहको श्रीमती भन्न सुहाएको भन्दै उडाएका छन्।
शाहरुखले एक एजेन्टको भूमिकामा अभिनय गर्ने पक्का भएको फिल्म 'पठान' २०२३ जनवरीमा रिलिज गर्ने तयारी छ।
फागुन २१, २०७८ शनिबार २०:०३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
