मार्चमा फिल्मको बहार : आरआरआर, विक्रम पाण्डे र राधे श्याम रिलिज हुँदै
मार्च ११ मा दक्षिण भारतीय स्टार प्रभासको 'राधे श्याम' रिलिज हुँदैछ। यो एक रोमान्टिक फिल्म हो।
निकै ठूलो बजेटको फिल्म भएको र यो फिल्मबाट निर्माण पक्षले निकै ठूलो आशा राखेको एजेन्सीहरुले जनाएका छन्।
यसैगरी होलीको अवसर पारेर अक्षय कुमारको 'बच्चन पाण्डे' रिलिज हुँदैछ। यो फिल्मको ट्रेलरले नै बलिउडमा हलचल मच्चाएको थियो।
आगामी मार्च १८ मा रिलिज हुने बच्चन पाण्डेमाथि बलिउडले ठूलो अपेक्षा गरेको फिल्म पण्डितहरुको दावी छ।
अर्को बहुप्रतिक्षित फिल्म आरआरआर पनि मार्च महिनामै रिलिज हुने भएको छ। २५ मार्चमा रिलिज मिति तय भएको यो फिल्मबारे चर्चा हुन थालेको धेरै भइसकेको छ।
'बाहुबली' जस्तो सफल फिल्मका निर्देशक एसएस राजामौलीले बनाएको हुनाले पनि यो फिल्मको चर्चा बढी भएको भारतीय समीक्षकहरुले बताएका छन्।
यी लगायत अरु थुप्रै ठूला ब्यानरका फिल्म यही महिना रिलिज हुँदैछन्।
फागुन १८, २०७८ बुधबार ०९:१५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
