मास्कबिनै एयरपोर्ट पुगेकी दीपिकाको ट्रोल, ह्याण्डब्याग पनि बडिगार्डले बोके

एजेन्सीः बलिउड नायिका दीपिका पादुकोण यतिबेला सामाजिक सञ्जालमा ट्रोलको पात्र भइरहेकी छिन्। कारण हो- मास्कबिनै सार्वजनिक स्थलमा देखापर्नु।

दीपिका आफ्नो मातापिताको घर बेंग्लोर गएकी थिइन्। त्यसक्रममा उनलाई एयरपोर्टमा पापाराजीले भेटे। फोटो खिचे। र सार्वजनिक भयो दीपिकाको मास्कबिनाको तस्बिर। 

सेलिब्रिटी त्यसमा पनि दीपिका। भारतमा कोरोना शान्त भइनसक्दै यसरी मास्कबिना उनलाई एयरपोर्टमा देखेपछि दर्शक र सामाजिक सञ्जाल प्रयोगकर्ताले उडाउनु उडाइरहेका छन्। 

यति मात्र कहाँ हो र। सार्वजनिक भएको फोटोमा उनले आफ्नो ह्याण्डब्याग पनि आफ्नो बडिगार्डलाई बोक्न लगाएको देखिन्छ। अनि त के चाहियो! ट्रोलमाथि ट्रोल। 

एक सामाजिक सञ्जाल प्रयोगकर्ताले लेखेका छन्, 'मलाई आश्चर्य लाग्छ, यिनीहरू मास्कबिना कसरी घुमिरहेका छन्?' अर्कोले लेखेका छन्, 'ओहो, आफ्नो पर्स पनि उठाउन सक्नुहुन्न म्यामले'।

फागुन १६, २०७८ सोमबार १०:४६:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।