संसारकै धनी एलन मस्कको नयाँ गर्लफ्रेन्ड हलिउड अभिनेत्री नताशा

एजेन्सीः संसारकै धनी एलन मस्क अहिले हलिउड अभिनेत्रीको प्रेममा छन्। उनको नयाँ गर्लफ्रेन्ड हुन्- नताशा ब्यासेट। 

नताशा अष्ट्रेलियन नागरिक हुन्। उनको करियर भने हलिउडमा छ। उनले विश्वप्रसिद्ध गायिका ब्रिट्नी स्पीयर्सको 'ब्रिट्नी एभर आफ्टर' चलचित्रमा मुख्य भूमिका निभाएकी छिन् भने दिग्गज गायक एल्भिस प्रेस्लीको जीवनमा आधारित बायोपिकमा पनि उनी देखिने भएकी छिन्।

नताशाले १४ वर्षको उमेरदेखि अभिनय यात्रा थालेकी हुन्। उनलाई हालै मात्र एलन मस्कको प्राइभेट जेटबाट बाहिरिँदै गरेको देखिएपछि उनीहरूको सम्बन्धबारे लख काट्न थालिएको हो। हुन त सन् २०२१ को सेप्टेम्बरमा मस्कले आफ्नी तेस्रो श्रीमतीसँग सम्बन्धविच्छेद गरेपछि उनीहरू प्रेममा परेको बताइएको छ।

एलन मस्क ५० वर्षका छन् भने नताशा अहिले २७ वर्षकी छिन्। दुई सय ३३ बिलियन अमेरिकी डलर सम्पत्तिका मालिक मस्कको सम्बन्धविच्छेद भएका तीन श्रीमतीबाट ६ जना सन्तान छन्।

फागुन ११, २०७८ बुधबार १३:२९:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।