रहेनन् 'कलकत्ते काइँयो'का गायक जयनन्द लामा
२ वर्ष अघि
काठमाडौंः वरिष्ठ लोकगायक तथा कलाकार जयनन्द लामाको निधन भएको छ। आज बुधबार बिहान उनको निधन भएको हो।
कलाकार लामा आज बिहान २ बजे गाडीबाट ओर्लिनेक्रममा लडेका र सोही अवस्थामा बिहान उनी मृत फेला परेका हुन्।
थुप्रै लोकगीतमा आफ्नो स्वर दिएका तथा चलचित्रमा अभिनय गरेका लामा सिन्धुपाल्चोक बाह्रविसेका हुन्। कलकत्ते काइँयो, चुइँ चुइँ चुइँकाने जुत्ता जस्ता गीतमा स्वर दिएका लामा नेपाल लोक स्टारका निर्णायक पनि भएका थिए।
चलचित्र छक्का पञ्जासहित थुप्रैमा उनले अभिनय पनि गरेका थिए।
फागुन ११, २०७८ बुधबार ०९:२७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
