'पुष्पा' वर्षकै उत्कृष्ट फिल्म, रणवीर सिंह र कृति सेनन उत्कृष्ट अभिनेता-अभिनेत्री
एजेन्सीः यस वर्षको दादासाहेब फाल्के अन्तर्राष्ट्रिय फिल्म फेस्टिभलमा अल्लु अर्जुन अभिनित 'पुष्पा: द राइज' उत्कृष्ट चलचित्र चयन भएको छ। मुम्बईमा आयोजित फेस्टिभलमा दक्षिण भारतीय फिल्म पुष्पाले उत्कृष्टको उपाधि हात पारेको हो।
यस्तै अभिनेतातर्फ भने उत्कृष्टको उपाधि रणवीर सिंहले हात पारे। उनले चलचित्र '८३' का लागि उत्कृष्ट अभिनेताको अवार्ड पाएका हुन्।
अभिनेत्री कृति सेनन उत्कृष्ट अभिनेत्री चुनिएकी छिन्। उनले 'मिमी' का लागि गरेको अभिनय उत्कृष्ट ठहरिएको हो। यस्तै आशा पारेखलाई चलचित्र क्षेत्रमा गरेको योगदानको लागि पुरस्कार दिइएको छ।
यस्तै सर्वश्रेष्ठ फिल्मको क्याटेगोरीमा शेरशाहले उपाधि हात पारेको छ। वेव सिरिजतर्फ सर्वश्रेष्ठ अभिनेता मनोज बाजपेयी हुँदा अभिनेत्री रवीना टण्डन भएकी छिन्।
फागुन ९, २०७८ सोमबार ०८:३४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
