ओमानलाई हराएको कन्फिडेन्ससहित आज फिलिपिन्ससँग भिड्दै नेपाल

काठमाडौंः आईसीसी टी ट्वेन्टी विश्वकप छनोटअन्तर्गत आज नेपाल फिलिपिन्ससँग भिड्दैछ। पहिलो खेलमा ओमानलाई हिजो ३९ रनले पराजित गरेको नेपाल दोस्रो खेलमा पनि जितको अपेक्षासहित मैदान प्रवेश गर्नेछ।

खेल नेपाली समयअनुसार बिहान ११:४५ बाट सुरु हुनेछ।

फिलिपिन्स यसअघि क्यानेडासँग पराजित भएको थियो। आजको खेलमा ऊ पहिलो जितको खोजीमा हुनेछ। यता नेपालको २ अंक छ। क्यानेडापछि अंक तालिकामा दोस्रो स्थानमा रहेको छ।

फिलिपिन्स जोनाथन हिल्सको कप्तानीमा मैदानमा उत्रनेछ। यता नेपालको कप्तानी सन्दीप लामिछानेले गर्नेछन्।

ब्याटिङमा फितलो प्रदर्शन गरे पनि बलिङमा उत्कृष्ट पुनरागमन गर्दै नेपालले हिजो ओमानलाई हराएको थियो। त्यही कन्फिडेन्ससहित नपाली टीम आज मैदान प्रवेश गर्नेछ।

नेपालले तेस्रो खेल क्यानाडाविरुद्ध फेब्रुअरी २१ मा खेल्ने तालिका रहेको छ।

फागुन ७, २०७८ शनिबार ०८:२६:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।