स्टार जिया मानेक जसले आफ्नो करिअर आफैँ बरबाद बनाइन्

एजेन्सी : भारतीय टेलिसिरियलकी कुनै समयकी स्टार जिया मानेक टेलिसिरियल प्रेमी नेपालीमाझ पनि परिचित अनुहारै हो। हिजोको दिनमा सानो पर्दाकी उनी स्टारै थिइन्। तर अहिले उनी आफ्नै क्रेज फर्काउन सङ्घर्ष गरिरहेकी छिन्।

जब उनी सफलताको चरमचुलीमा थिइन् त्यो बेला सम्हालिन सकिनन् र गरिन् पाँच गल्ती। जसले धेरैले लोभ गर्ने अभिनयको उचाइमा पुगेकी उनी एकै पटक पिँधमा आइपुगिन्।

उनले गरेका गल्तीहरू जसले जमिसकेको करिअर नै चौपट बनायो

सन् २०१२ मा उनी अभिनीत' साथ निभाना साथीया' को निर्माण टोली उनी प्रतिस्पर्धी च्यानलमा प्रसारण हुने झलक दिखला जा नामक रियालिटी शोमा सहभागी नहोउन् भन्ने चाहन्थ्यो। तर उनले मानिनन् र च्यानलसँगै विद्रोह गरिन्। उनको यो निर्णयले च्यानलसँगको उनको सम्बन्ध चिसो बनाउने काम गर्यो।

त्यतिमा मात्र उनी रोकिइनन्। उनले साथ निभाना साथियाको मेकर्समाथि आफूलाई प्रताडित गरेको भन्दै गम्भीर आरोप लगाइन्। उनको यो बयानले भारतीय टेलिभिजनको दुनियामा हङ्गामा मच्चियो। टेलिसिरियल मेकर्स समस्यामा परे।

सन् २०१२ मै उनी आमा अनि केही साथीहरूसँग हुक्का बार रेस्टुरेन्ट गएकी थिइन्। उनको दुर्भाग्य त्यही बेला प्रहरीले छापा मार्यो र उनीसहितलाई नियन्त्रणमा लियो। प्रहरीले उनलाई कारबाही नगरी छाडेको थियो। तर उनी हुक्काबारमा पक्राउ परेको घटना मिडियामा भाइरल भइसकेको थियो। त्यसले उनको सोझी बुहारीको छविलाई क्षतविक्षत बनायो।

उनी निरन्तर विवादमा आएपछि साथ निभाना साथीयाको निर्माण टोलीले उनलाई सिरियलबाटै बाहिर निकाले। उनको स्थानमा आइन् देवालिना भट्टाचार्य।

उनले यो बिचमा 'जिनि और जुजु' अनि 'मनमोहिनी' मा अभिनय गरेकी थिइन्। तर यी दुवै शोले उनको ओरालो लागेको यात्रा रोक्न सकेन। उनले काम पाउनै छाडिन्।

फागुन ६, २०७८ शुक्रबार २०:४९:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।