रोडिजमा सबैभन्दा कमजोर टिम लिडर बने अनुपविक्रम

यो हप्ता पनि भयो त्यही। टाक्समा तेस्रो भयो रेड। तर पहिलो भएको लाहुरेको टिम मेम्बरबाहेक बाँकी तीनै टिमका सदस्य डेन्जर जोनमा परे। भाग्यमानी लाहुरे टिमले २१ सेकेन्डको फरकमा गेम जित्यो। दियाको टिम रल्लो २१ सेकेन्ड पछि पर्दा डेन्जर जोनमा परे।

तर भाग्यले साथदिँदा भोट आउटका लागि मनोनयनमा परेर पनि दियाको टिमको सदस्य अनुशा जोगिइन्। जम्मा २ जना मात्रै सदस्य भएको अनुपको टिमका पुकार बाहिरिए। अब अनुपसँग एक जना मात्र बाँकी भयो।

यो साता टिमको सबैभन्दा कमजोर सदस्यलाई छान्न लगाइएको थियो। गेम हेर्ने हो भने अनुपको टिमबाट पुकारै थिए। उनी नै परे बाहिरिए। सबैभन्दा बलियो देखिएको ब्लु टिम टाक्समा पहिला जानुपर्दा चिप्लियो यो हप्ता। र एक सदस्य गुमायो पनि।

टाक्स र टिमका सदस्य हेर्ने हो भने सबैभन्दा कमजोर टिम नै अनुपको भयो। भाग्यमानी टिम लाहुरेको। बलियो टिम हुँदाहुँदै बटम थ्रीको भोट आउटमा पठाउँदा टिम ब्लुबाट राजेश बाहिरिए।

यस अगाडिका एपिसोडमा सधैँ झगडा गर्ने दिया र अनुप एक अर्काको सहयोगी देखिएका थिए। तर यो पाली राम्रै प्रयास गरे पनि अनुपको टिमको सदस्य जोगिएन। कारण अघिल्लो एपिसोडमा पुकारले खेलबाट बाहिरिने इच्छा गरेका थिए।

यो साता भोट आउटमा परे। बाहिरिए। गोबर भरिने खाल्डोमा बसेर २५ बटा गाँठो फुकाउँदा आइडिया लगाउन सक्दा लाहुरेको टिम ग्रिन विजेता भन्यो। अर्को ट्विस्ट नआए ग्रिनले आगामी एपिसोडमा पनि कुनै न कुनै अवसर पाउँछ नै। 

फागुन ३, २०७८ मंगलबार ०३:२२:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।