अभिनेत्री रेखाको सरप्राइज प्लान मिडियाले तुहाइदियो कि !

उनले दोस्रो पटक विवाहको तयारी गरिरहेको खबर बाहिरिएको धेरै भयो। महिना तोकिएको थियो आगामी वैशाख। उनले सायद वैशाखमा विवाहको खबर सार्वजनिक गर्ने तयारी गरेकी थिइन् कि !

तर एक साता अगाडि बलराम शाही ठकुरीसँग अदालती विवाह गरेको सोमवार सार्वजनिक भयो। शाही गैर आवासीय नेपाली हुन्।

२०५६ सालबाट चलचित्र क्षेत्रमा प्रवेश गरेकी थापाले पहिलो फिल्म हिरोबाट डेब्यु गरेकी थिइन्। कुनै समय नेपाली चलचित्रमा एकछत्र राज गरेकी उनी पछि फिल्म निर्माणमा समेत संलग्न भइन्।

कलाकारितासँगै राजनीतिमा समेत सक्रिय हुने प्रयासमा लागेकी उनी केन्द्रीय सदस्य हुँदै राप्रपाको महामन्त्रीको उम्मेदवार बनेर पराजित भइन्।

चलचित्र क्षेत्रमा बोल्ड छवि बनाएकी उनी प्रस्ट वक्ता समेत हुन्। तर उनले वैवाहिक जीवनको दोस्रो सिरिज सुरु गरेको चैँ गोप्य राख्ने प्रयास गरिन्। सायद उनले आफ्ना शुभेच्छुकलाई सरप्राइजको तयारी गरेकी थिइन् होला तर मिडियाले पहिल्यै समाचार ब्रेक गरेर उनलाई सरप्राइज दियो। 

फागुन २, २०७८ सोमबार २२:३९:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।