बालबालिकाको प्रिय टेलिभिजन शो 'शक्तिमान' अब फिल्मको रूपमा आउने
एजेन्सीः ९० को दशकको बालबालिकाहरूको प्रिय टेलिभिजन शोमध्ये एक थियो- शक्तिमान। अब शक्तिमान टेलिभिजन शोमा मात्र सीमित हुने छैन।
फिल्म निर्माण कम्पनी 'सोनी पिक्चर्स'ले हालै आफ्नो अपकमिङ फिल्म 'शक्तिमान'को अनाउन्स गरेको छ। सोनी पिक्चर्सले शक्तिमानको एडेप्टेशन राइट्स पनि किनिसकेको छ। शक्तिमानको भूमिका निभाएका मुकेश खन्ना र सोनी पिक्चर्स मिलेर फिल्म बनाउँदै छन्।
तर मुकेश खन्नाको अब 'हिरो'को भूमिकामा देखिने उमेर नभएकाले शक्तिमानको भूमिका कसले निभाउछ, त्यो भने टुङ्गो लागेको छैन।
यता ठूलै सुपरस्टारले शक्तिमानको भूमिका निभाउने भारतीय सञ्चारमाध्यमहरूले जनाएका छन्। निर्देशक पनि नाम चलेकै रहने बताइएको छ।
माघ २७, २०७८ बिहीबार २१:५६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
