कार दुर्घटनामा घाइते युवालाई बोकेर अभिनेता सोनु सुद दौडिएपछि

कोरोनाकालमा सुदले सुरु गरेको काम अहिले पनि जारी छ। यसैमा मिसियो उनको अर्को जीवन बचाउने सामाजिक काम। सामाजिक सञ्जालमा भाइरल भएको भिडियोमा उनी कार दुर्घटनामा घाइते भएका युवकलाई बोकेर अर्को गाडितिर दौडिरहेको देखिन्छ।

भारतको पन्जाबको मोगा जिल्लाको कोटकपुरा बाइपासमा २ वटा कार आपसमा जुध्दा एक युवा गम्भीर घाइते भएका थिए। त्यो बेलामा सुद त्यहीँ कारमा थिए। सवारी दुर्घटना भएपछि उनी उत्रिएर कारमा गम्भीर घाइते भएका युवालाई बोकेर अर्को कारमा लैजान्छ र उपचारका लागि अस्पताल पूर्याउँछन्।

गम्भीर घाइते युवा समयमै अस्पताल पुग्दा समयमै उपचार सुरु भयो र उनी अहिले खतरामुक्त भएका छन्। भारतीय अभिनेताहरू सुरक्षा गार्डविना सर्वसाधारण भएको स्थानमा समेत जाँदैनन्। उनी भने सामाजिक काममा खटिँदै आएका छन्।

कोरोना सङ्क्रमणको समयमा उनले आपत्मा परेकाहरूलाई सहयोग गरे। त्योसँगै उनी बेरोजगारलाई रोजगार दिने अनि आर्थिक अभावका कारण पढ्न नपाएका बालबालिकालाई विद्यालय भर्ना गर्ने अभियानमा अहिले पनि सक्रिय छन्। उनी सामाजिक सञ्जालमार्फत समस्यामा परेकाहरूको सहयोगका लागि सबै सम्पर्कमा रहन्छन्।

माघ २६, २०७८ बुधबार २१:३८:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।