ब्राउन सुगर सहित पाँच जना पक्राउ
वीरेन्द्रनगर ११ पिपिरा चौकबाट सोही स्थानका २२ वर्षीय गौरव सुनार, २४ वर्षीय महेश सुनार र ४६ वर्षीय तिलाराम पुरीलाई प्रहरीले पक्राउ गरेको हो। उनीहरूबाट २ सय मिलिग्राम ब्राउन सुगरजस्तो देखिने धुलो पदार्थ बरामद गरिएको प्रदेश प्रहरी कार्यालय कर्णालीले जानकारी दिएको छ।
त्यस्तै, वीरेन्द्रनगर ९ शान्ति टोलबाट सोही स्थानका २५ वर्षीय अजय सिंह चौधरी र २५ वर्षकै राजु गाइनलाई प्रहरीले पक्राउ गरेको हो । उनीहरूको साथबाट १ सय ६० मिलिग्राम ब्राउन सुगरजस्तो देखिने धुलो पदार्थ बरामद गरिएको हो।
उनीहरूलाई नियन्त्रणमा लिई जिल्ला प्रहरी कार्यालयको हिरासतमा राखी थप अनुसन्धान भइरहेको प्रहरीले जनाएको छ।
माघ २६, २०७८ बुधबार २१:२२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
