रोडिजमा दियासँगको दुस्मनी महँगो पर्दै अनुपलाई, बाहिरिए २ सदस्य
काठमाडौँ : हिमालयन रोडिजको यो सिजन ग्याङ लिडर अनुपविक्रम शाहीका लागि फाप्ने देखिएन। भएका चार जनामा अब २ जना मात्र बाँकी छन् टिममा। त्यसमा पनि एक जना घाइते।
सोमबारको प्रसारित टाक्समा टिमले गतिलो प्रदर्शन गर्न सकेन र लास्ट भयो। रेड टिमका टिम लिडर भए पनि सहभागी कम भएकाले उनी आफै पनि टाक्समा सहभागी भए पनि जित्न सकेनन्। बुद्धि लगाउँदा लाहुरेको टिम विजेता बन्यो।
एल्लो टिमको टिम लिडर दिया मास्केसँगको उनको दुस्मनीको मूल्य सहभागीले चुकाउनु परेको छ। दियाले अनुपको टिमको बलियो सदस्यलाई टार्गेट गर्दै आएका छन् भोट आउटमा। दियासँग चार जना सदस्य छन्। दियालाई ब्लु टिमले सघाउँछ। ब्लुसँग पनि ४ जना सदस्य छ। दुवै टिम मिल्दा आठ हुन्छ।
लाहुरेको ग्रिन टिममा पनि ३ जना मात्र। लाहुरे र अनुप मिल्दा जम्मा छ जना मात्र। भोटमा सधैँ रेड र ग्रिन टार्गेटमा पर्ने पक्का। यो साता ग्रिन विजेता भएकाले २ जना सुरक्षित भए। तर एक जना भने बटम थ्रीमा परे। 
भोटबाट अनुपको टिमको सबैभन्दा बलिया प्रतियोगी नसिब ८ भोटले बटम थ्रीमा परे। अनुपले आठ भोट कहाँबाट आयो थाहा छ भन्दै दियालाई टार्गेट गरे। सर्प्राइज दियाको टिमको सागर ६ भोटले बटम थ्रीमा परे। उनले आफ्नो ढाडैमा हानेको अनुभव भएको बताइन्। विजेता टिमको लिडरले पाएको सुविधा प्रयोग गरेर लाहुरेले टिम ब्लुको शिवराजलाई बटम थ्रीमा छानेका थिए।
तीनमध्ये २ जना बाहिरिने भएकाले तीनजनाविच फेसअफमा टग अफ वार गराउँदा शिवराज सुरक्षित भए।
डोरी तान्न जाँदा ओभर कन्फिडेन्टहुँदै जुत्ता खोल्दा नसिब चिप्लिएर डेन्जर जोनमा खुट्टाले छोएर आउट भए। सागरलाई शिवराजले हराएर चारको चार सदस्य जोगिए। अब सबैभन्दा कम २ जना रेड टिम र सबैभन्दा धेरै ४ जना प्रतियोगी ब्लु टिमसँग छ। एल्लो र ग्रिनसँग ३-३ जना छन्।
माघ २५, २०७८ मंगलबार ०२:२०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
