ब्लाइन्ड डेटको चर्चित राम-नबर्दा जोडी छुट्टियो, रामले गरे अर्कै युवतीसँग इन्गेजमेन्ट

काठमाडौँ : डेटिङ रियालिटी शो ब्लाइन्ड डेटको हिट जोडी शिलु पोखरेल र किरण खातीको बिहे भयो। मिना बुढाथोकी त फाइनलमै आइनन्। शो सिरियस कपल देखिएका थिए राम पोखरेल र नबर्दा लकान्द्री।

गोल्डी र शिलु झगडा गरेरै हिट भएका थिए। राम र नबर्दा टिपिकल म्यारिड कपल झैँ देखिएका थिए शोमा। सबै साथीहरू मिलेर दर्शक छक्काए पनि कार्यक्रम युट्युबमा हिट भएपछि दोस्रो सिजन टेलिभिजनमै आउँदै छ अन्य जोडी बनाउन।

राम र नबर्दा टिकटकमा पनि हिट थिए। नबर्दाले रामलाई मेन्सन गरी-गरि भिडियो हालिरहन्थिन्। तर पहिलो सिजनको हिट कपल राम र नबर्दाको जोडी छुटेको छ। रामले अर्कै महिलासँग विवाह गर्ने भएका छन्।

अहिले रामले अर्कै युवतीसँग इन्गेजमेन्ट गरेको भिडियो टिकटकमा भाइरल भइरहेको छ। टिकटकमा राखेका भिडियोहरू हेर्दा राम र इन्गेजमेन्ट भएकी युवती पहिल्यै देखि परिचित देखिन्छन्। issu01 नाममा उनी टिकटकमा सक्रिय छिन्। उनको नाम हो सृष्टि शर्मा।

अडिसन भयो खुल्ला
हिमालयन टिभीसँग सम्झौता भएसँगै ब्लाइन्ड डेटको दोस्रो सिजनको अडिसन खुलेको छ। दोस्रो सिजनका लागि पाँच महिला र पाँच पुरुषको लागि आवेदन मागिएको छ। केही दिन अगाडि हिमालयन टेलिभिजनसँग कार्यक्रम प्रसारणको सम्झौता भएको थियो।

माघ २५, २०७८ मंगलबार ००:०७:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।