लता मङ्गेशकरलाई 'डेडिकेट' गर्दै अञ्जु पन्तको कभर गीत (भिडियोसहित)
काठमाडौंः गायिका अञ्जु पन्तले कभर गीत गाएर सार्वजनिक गरेकी छिन्। विश्वप्रसिद्ध गायिका लता मङ्गेशकरको निधन भएको दोश्रो दिन उनैको गीत गाएर अञ्जुले सार्वजनिक गरेकी हुन्।
अञ्जुले लता मङ्गेशकरले 'मेहबुबा' फिल्मका लागि गाएको 'मेरे नैना सावन भादो' बोलको गीत गाएकी हुन्। यो गीत दिग्गज भारतीय कम्पोजर आरडी बर्मनले कम्पोज गरेका हुन् भने यसको रचनाकार आनन्द बक्सी हुन्।
अञ्जुले आफूलाई लताको निधनको खबरले स्तब्ध बनाएको बताउँदै यो गीत सार्वजनिक गरेकी हुन्। तर यो उनले लताको निधनपछि गाएर रेकर्ड गरेको भिडियो भने होइन। अञ्जुका अनुसार उनका श्रीमान् थीर कोइरालाले दुई दिनअघि उनलाई यो गीत गाउन आग्रह गरेका थिए। अञ्जुले सोही समयमा यो गीत गाएर भिडियो बनाएकी हुन्।
यस्तो छ अञ्जुको ट्रिब्युट भिडियो
माघ २४, २०७८ सोमबार २०:१८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
