प्युठानमा बेहुली बोकेको जिप दुर्घटना हुँदा आठ जनाको मृत्यु
प्युठान : प्युठानको ओखरपाटामा बेहुली बोकेको जिप दुर्घटना हुँदा आठ जनाको मृत्यु भएको छ।
ग १ ज ५०९२ नम्बरको जिप शनिबार बिहान ३ बजेतिर दुर्घटना हुँदा ६ जनाको घटनास्थलमै र दुई जनाको उपचारका लागि अस्पताल लैजाँदै गर्दा मृत्यु भएको जिल्ला प्रहरी कार्यालय प्युठानका प्रहरी प्रवक्ता देवीप्रसाद गैरेले जानकारी दिए।
नाैबहिनी गाउँपालिकाकाे लुङबाट बेहुली लिएर गाैमुखी गाउँपालिकाकाे लिवाङ जाँदै जाँदै गरेको जिप ओखरपाटामा दुर्घटना भएको हो। दुर्घटनाको कारण खुलेको छैन। दुर्घटनामा घाइते भएका पाँच जनालाई उपचारका लागि जिल्ला अस्पताल विजुवार पुर्याइदैछ।
दुर्घटनामा मृत्यु भएकाहरूको सनाखत हुन नसकेको प्रवक्ता गैरेले बताए। ‘६ जनाको घटनास्थलमा र दुई जनाको उपचारका लागि अस्पताल लैजाँदै गर्दा मृत्यु भएको जानकारी आएको छ,’प्रवक्ता गैरेले उकेरासँग भने,‘उनीहरूको सनाखत भएको छैन।’
जिपमा बेहुला बेहुली थिए थिएनन् भन्ने पनि नखुलेको उनले बताए।
माघ २२, २०७८ शनिबार ०७:३६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
