नोरा फतेहीको इन्स्टाग्राम अकाउन्ट चैट ! ३७.६ मिलियन फलोअर्स थिए, ह्याक भएको आशंका
एजेन्सीः सामाजिक सञ्जाल इन्स्टाग्राम र टिकटक यस्तो प्लेटफर्म हो जहाँ मानिसहरू फलोअर्स कमाउन अनेक अनेक हर्कत गर्छन्। तर भारतीय मोडल नोरा फतेहीले भने शुक्रबार ३७.६ मिलियन फलोअर्स भएको इन्स्टाग्राम अकाउन्ट डिलिट गरेकी छिन्।
विभिन्न चलचित्र तथा म्युजिक भिडियोमा डान्स गरेर चर्चामा आएकी यी सुन्दरी अकाउन्ट डिलिट गर्नुअघिसम्म पनि हरेक साना-तिना अपडेट पोस्ट गरिरहेकी हुन्थिन्। हरेक दिनजसो ग्ल्यामरस तस्बिर पोस्ट भइरहेको हुन्थ्यो। आज एक्कासि उनले अकाउन्ट डिलिट गरेपछि विभिन्न शंका पैदा भएको छ।
नोरा आफैंले अकाउन्ट डिलिट गरिन् या ह्याक भएको हो भन्ने पनि खुलेको छैन। न त नोराले यसबारेमा आधिकारिक धारणा नै दिएकी छिन्।
यता अकाउन्ट हटाउनु केही घण्टाअघि पनि नोराले दुबईमा आफ्नो भ्याकेसनको तस्बिर शेयर गरेकी थिइन्। त्यसैले पनि धेरैले ह्याक नै भएको हुनसक्ने अनुमान गरेका छन्। केहीले भने उनी आफ्ना नजिकका मान्छेसँग भ्याकेसनमा भएको हुँदा आफैंले डिलिट गरेको बताइरहेका छन्।
नोरा केही समयअघि र्यापर गुरु रन्धावासँग डेट गरिरहेको भन्ने तस्बिर सार्वजनिक भएको थियो। यता यही वर्ष उनको फिल्म थ्याङ्क गडमा उनी अजेय देवगन, सिद्धार्थ मल्होत्रा र रकुल प्रीत सिंहसँग स्क्रिन शेयर गर्दैछिन्।
माघ २१, २०७८ शुक्रबार २१:०१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
