गोकर्णेश्वरका विद्यालय आइतबारदेखि भौतिक उपस्थितिमै सञ्चालन हुने
काठमाडौंः आउँदो आइतबारदेखि गोकर्णेश्वर नगरपालिकाका विद्यालयहरूमा भौतिक उपस्थितिमै पठनपाठन हुने भएको छ। नगरपालिकाले हिजो एक सूचना जारी गर्दै विद्यालय सञ्चालन गरिने जानकारी दिएको हो।
नगरपालिकाभित्रका सामुदायिक तथा संस्थागत दुवै विद्यालय आइतबारबाट सञ्चालनमा आउने भएको छ। नगरपालिकाले जारी गरेको सूचनामा शिक्षक तथा अभिभावकहरूको माग र चाहनाबमोजिम भौतिक उपस्थितिमै विद्यालय सञ्चालन गरिने निर्णय गरिएको बताइएको छ।
यस्तै भौतिक दूरीको पालना र स्वास्थ्य मापदण्डको पालना गर्दै विद्यालय सञ्चालन गर्न नगरपालिकाले निर्देशन दिएको छ।
माघ २१, २०७८ शुक्रबार १४:१९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
