अभिनेता रामचरणको आरआरआर मार्च २५ मा आउने
एजेन्सी : पाँच भाषामा रिलिजको तयारी गरिएको फिल्म आरआरआर मार्च २५ मा रिलिज हुने भएको छ। अभिनेता रामचरण, जुनियर एनटिआर, अजय देवगन र आलिया भट्टको अभिनय रहेको फिल्मको रिलिज डेट कोरोनाको तेस्रो लहरका कारण सरेको थियो।
'बाहुबली’ का निर्देशक एसएस राजामौली निर्देशित फिल्म ‘आरआरआर’ गत जनवरी ७ मा प्रदर्शनको मिति तोकिएको थियो।
अभिनेता अजय देवगनले फिल्मको पोस्टर सामाजिक सञ्जालमा राखेर नयाँ प्रदर्शन मिति खुलाएका हुन्।
पोस्टरमा ‘आरआरआर’ २५ मार्चमा सिनेमा घरहरूमा प्रदर्शन हुने उल्लेख छ। फिल्म हिन्दी, तमिल, तेलुगु, मलयालम र कन्नड गरी पाँच भाषामा प्रदर्शन हुँदैछ।
पछिल्लो समय नेपालमा समेत दक्षिणी भारतीय कलाकारको क्रेज बढ्दै गएको छ। दक्षिण भारतीय कलाकारको क्रेज देखेर नेपाली वितरकले हिन्दी भर्सनका दक्षिण भारतीय फिल्म नेपाल ल्याउन थालेका छन्।
माघ १८, २०७८ मंगलबार १८:०७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
