द भोइसको प्रतियोगीले राजेश हमाललाई सोधिन्' हजुरको नाम के हो ?'

प्रतियोगिताको फाइनलमा अभिनेता हमाल सरप्राइज गेस्ट बनेर गएका थिए। पेमा दिछेन तामाङ र क्षितिज पौडेलले 'बिजुलीको तार' बोलको गीत सुनाए लगत्तै उनी मञ्चमा आएका थिए।

उनी तारको व्यापारिक प्रायोजन गर्न कार्यक्रममा आएको देखियो। बाल प्रतियोगीलाई नि नाटकीय प्रश्नका रूपमा प्रमोसनमा प्रयोग गरियो।

हमाल केही समय मञ्चमा बसेर दुवै सहभागीसँग कुराकानी गरेका थिए। यति मीठो स्वर कहाँबाट आउँछ भनेर सोध्दा क्षितिजले जवाफ दिए' मुखबाट।' अनि पछि मिलाउँदै भने गड गिफ्टेड।

कुरै कुरामा होस्ट सुशीलले दिछेनलाई जिस्काउँदै भने 'केटा साथी फेर्नुहुन्छ आज को ?'

यसमा हमाल पनि मिसिए। उनी ती नाबालिकलाई सोध्छन् 'तिम्रो फेवरेट बोइफ्रेन्ड को नि?' उनी लजाउँछिन्। अनि हमालले माइकमा कसैले नसुन्ने गरी भन्न भन्छन्।
सुशीलले कार्यक्रममा महानायक राजेश हमाल भनेर धेरै पटक भनेका थिए। बच्चा न हुन् नाम बिर्सिइन् उनले। उनले राजेश हमाल भन्न खोजेकी रहिछिन्। अनि माइकमा सोधिन्'हजुरको नाम के हो?' उनले राजेश हमाल भन्छन्।

कार्यक्रमको अतिथिकै नाम सोधेपछि सुशील कुरा मिलाउँदै भन्छन् 'हामीले सुनिसक्यौ राजेश हमाल भनेको।' बाठो बन्दै क्षितिज पनि भन्छन्' मैले पनि सुने।'

कार्यक्रमका कोचहरूले हमाललाई चिन्ने नै भए। उनीहरूले मज्जाले प्रशंसा गरे हमालको। कोच मिलनले हमाललाई देख्दा नेपालसँगै विदेशका पनि छोरी मान्छेहरू नर्भस् हुने बताइन्। अन्य कोच पनि नर्भस देखिएको भने सुशीलले। कोच राजु भने नर्भस देखिएनन्। उनलाई हमालले धेरै पुरानो साथी भने राजुलाई। प्रविशाले हमाल आउनु बिग सर्प्राइज भन्दै आफू पनि नर्भस भएको बताएकी थिइन्।

माघ १, २०७८ शनिबार २०:५८:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।